Estanda Ordiziak Valdetires talde galiziarra hartuko du etxean
Estanda Ordizia areto futboleko taldeak partida gogorra jokatuko du asteburu honetan; izan ere, zilarrezko mailako bigarren postuan dagoen Valdetires Ferrol talde galiziarra izango dute aurrez aurre. Ordiziarrek puntuak behar dituzte, play-offetako bor...
Estanda Ordizia areto futboleko taldeak partida gogorra jokatuko du asteburu honetan; izan ere, zilarrezko mailako bigarren postuan dagoen Valdetires Ferrol talde galiziarra izango dute aurrez aurre. Ordiziarrek puntuak behar dituzte, play-offetako borrokan jarraitu nahi badute. Lehendik zituzten zailtasunei, beste bat ere gehitu zaie azken orduetan, Naiara Bereziartua baja izango baita. Hala ere, Emilio Ortiz entrenatzaileak “konfiantza osoa” du bere jokalariengan eta “partida hau irabazi” dezaketela sinetsita dago, nahiz eta “baja garrantzitsuak” dituztela aitortu. Taldea “moral eta joko aldetik momentu onean” dagoela uste du. Beste behin ere, zaleen babesa eskatu dute partida garrantzitsu horri begira. Larunbat arratsaldeko 18:15ean jokatuko dute, Majori kiroldegian.
