‘Jolasturte bukaerako festa’ egingo dute gaur ludotekan
Ludotekak ikasturte amaierako festa egingo du gaur arratsaldean. Urtero bezala, jolasak, eskulanak, aurpegi margoketa, jokoak… antolatu dituzte ludotekako arduradunek. Aurten ordea, emanaldi berezia ere egongo da, Zurrumurru antzerki taldeko akt...
Ludotekak ikasturte amaierako festa egingo du gaur arratsaldean. Urtero bezala, jolasak, eskulanak, aurpegi margoketa, jokoak… antolatu dituzte ludotekako arduradunek. Aurten ordea, emanaldi berezia ere egongo da, Zurrumurru antzerki taldeko aktoreek Pantxika eta Txinparta, ederra zalaparta antzezlana egingo baitute.
Antzerki emanaldian, magia, musika eta jolasak uztartuko dituzte aktoreek lagun baten festa antolatzeko jarraitu beharrko pauso guztiak zein diren azalduz. Aktoreek ez ezik, ikusleek ere izango dute ikuskizunean parte hartzeko eta irudimena lantzeko aukera, itxuraz ezertarako balio ez duten gauzekin mundu bat eraikiz.
Antzezlana eta ikasturte amaierako jaialdia Loinazko San Martin plazan izango dira, 17:30etik aurrera.
