Minibasket txapelketa eta Andraitz eguna
Andraitz saskibaloi taldeak 25. urteurreneko festa ospatuko du larunbatean. Ez da hori ospakizun ekintza bakarra izango, aste osoan zehar Legazpiko I. Minibasket Txapelketako partidak jokatzen ari baitira. Astelehenean hasi zituzten partidak. Bi multz...
Andraitz saskibaloi taldeak 25. urteurreneko festa ospatuko du larunbatean. Ez da hori ospakizun ekintza bakarra izango, aste osoan zehar Legazpiko I. Minibasket Txapelketako partidak jokatzen ari baitira.
Astelehenean hasi zituzten partidak. Bi multzo egin dituzte, bakoitza lau talderekin. Egunero 4 partida jokatzen dituzte, 17:30ean hasita. Partidak Bikuña kiroldegian egin dituzte, kantxa bi zatitan eginda. Aste osoan zehar ligaxkak jokatzen ibili ondoren, bihar arratsaldean kanporaketak hasiko dituzte. Hauek ere 17:30ean eta 18:15ean jokatuko dituzte, ordu bakoitzean bi partida.
Azkenik, finala larunbat goizean egingo dute, 10:00etan hasita. Ekintza gehiago ere badira zapatuan. Eguerdian Aitxuri jatetxera joango dira bazkaltzera. 100ndik gora lagunek eman dute jada bazkarirako izena. Bazkariaren atzetik jolasak egingo dituzte jatetxean bertan. Uztailaren 2an azkenik, mendi irteera egingo dute. Saskibaloi taldeari izena ematen dion Andraitz mendia ezagutzera joango dira, eta interesa duten guztiei ireki diete parte hartzeko gonbitea.
Informazioa Andraitz.com webgunean lor daiteke. Saskibaloi taldeak Facebookeko kontua ere sortu du. Hemen diotenez, uztailean ostiralero entrenamendu saioak egingo dituzte 18:30ean.
