Jentilak itzuliko dira larunbatean Ataunera
Ataun San Gregorioko Joxemiel Barandiaran Museoak larunbat honetarako Jentilak Errotatxon jardunaldi tematikoa antolatu du. Goizez (10:00-14:00) eta arratsaldez (16:00-18:00) museoa, errota eta antigoaleko zerrategia bisitatu ahalko dira, doan. Egitara...
Ataun San Gregorioko Joxemiel Barandiaran Museoak larunbat honetarako Jentilak Errotatxon jardunaldi tematikoa antolatu du. Goizez (10:00-14:00) eta arratsaldez (16:00-18:00) museoa, errota eta antigoaleko zerrategia bisitatu ahalko dira, doan.
Egitaraua San Martin elizan hasiko da, 09:00etan, organo barrokoa ikusteko. Handik San Gregoriora ibilaldi gidatua egingo dute, 10:00etan, mitologia ardatz hartuta. Pertsonaia mitologikoen agerraldiekin jantziko dute txangoa. Izena eman behar da aurretik (943 18 03 35).
Museoan arto irina eho, taloak egin eta errota eta zerrategia ikusi ahalko dira. 12:30ean Basajaun eta San Martin txiki antzerkia egingo dute museoaren atarian.
