AEKren blogean Goierriko Kastaren lanak argitaratuko dituzte, hilero
Goierriko Kasta eta Goiztiri AEK lankidetzan ariko dira ikasturte honetatik aurrera. Urrian hasi eta ikasturte bukaera arte, Goierriko Kastaren kideren baten testua argitaratuko dute AEKren blogean, (goiztiri.blogspot.com). Iker Zalduak idatzitakoa jaso dute urrian, eta datozen hilabeteetan Juan Mari Apaolazaren, Joseba Zubizarretaren edota Irati eta Ekaitz Goikoetxearen lanak argitaratuko dituzte. Euskara ikasleekin landuko dituzte testu horiek, ariketa berriak eginez.
