Berritsu eta Txelotxe ludotetek matrikulazio epea zabalduko dute
Beasaingo Berritsu eta Txelotxe udal ludoteketan astelehenetik aurrera zabalduko dute matrikula egiteko epea. Hilaren 28ra arte izango da izena emateko aukera. Gainera, hilaren 17tik 21era, ate irekien astea egingo dute, lokala eta zerbitzua bertatik...
Beasaingo Berritsu eta Txelotxe udal ludoteketan astelehenetik aurrera zabalduko dute matrikula egiteko epea. Hilaren 28ra arte izango da izena emateko aukera. Gainera, hilaren 17tik 21era, ate irekien astea egingo dute, lokala eta zerbitzua bertatik bertara ezagutzeko. Bazkide berrientzat hilaren 24an hasiko da ikasturtea, eta lehendik bazkide direnentzat, urriaren 1ean.
Adinaren arabera, bi taldetan banatuko dute ludoteka zerbitzua: 5 eta 8 urte artekoak eta 9tik 12ra artekoak. Udaletxe azpian dagoen Berritsu ludotekan, bi taldeetako umeak hartuko dituzte; Oria pasealekuko Txelotxe ludotekan berriz, 5 eta 8 urte artekoak.
