Lau bertsolarirekin afaria izango da bihar Maizpiden, Korrikaren alde
Korrika Kulturaleko azkeneko ekitaldia bihar, osteguna, izango da Lazkaon. Bertso Korrika ekimeneko bertso-afaria antolatu dute Maizpide euskaltegiak, eta Goierriko Goiztiri AEK-k. Mintzalagun afaria ere izango da. Oihana Iguaran eta Beñat Iguaran amasarrak, eta Endika Igartzabal eta Gorka Maiz gabiriarrak ariko dira kantuan. Amaia Agirre izango da gai-jartzaile. Gaiak euskara ikasleek ipini dituzte. Afaria 20:00etan hasiko da, eta ondoren da saioa.
