Hiru pertsona atxilotu dituzte auto eta trastelekuak lapurtzea egotzita
Herrizaingo Sailak jakitera eman duenez, 18 eta 23 urteko hiru gazte atxilotu dituzte bart goizaldera Beasaingo Ertzain-Etxeko ertzainek lapurreta egitea egotzita. Gazte hauek Beasaingo hainbat garaje eta autoetara iristeko atarietako ateak indarrez ireki zituztela uste da, eta hauetatik objetuak lapurtu segidan. Ustezko lapurrak Gazteiztik etortzeko erabili zuten autoan garajeetatik lapurtutako 30 objetu inguru aurkitu dituzte. 
