Albisuren finala ikustera joateko autobusa antolatu dute Ataunen
Binakako Txapelketako finala jokatuko du Jon Ander Albisuk apirilaren 28an, Bilboko Bizkaia frontoian, Pablo Berasaluzerekin bikoan. Irujo-Zabaleta dituzte aurkari. Maila gorenean, lehenengo finala du Albisu ataundarrak. Ataun Kirol Elkarteak autobusa antolatu du, finalera joateko (8 euro). San Gregoriotik 15:00etan irtengo da, Bilbotik 20:30ean. Izena Sutegin (943 18 03 54; 620 20 84 89) edo kiroldegian (943 18 03 84) eman behar da, asteazkenerako.
