Lazkaon Elosegi kaleko bi etxebizitza eraitsi dituzte
Lazkaoko Iturgaitzaga auzunean etxebizitzak eraikitzeko eta hiritartze lanak egiteko, Elosegi kaleko bi etxe zahar bota egin dituzte. Asteartean eraitsi zituzten 56 eta 58 zenbakidun etxeak, hiru solairukoak; goizean bat, eta arratsaldean bestea lurreratu zituen hondeamakinak. Bezperan alboko etxeordea suntsitu zuten. Denetariko salgaiak zituen denda bat egon zen behealde batean.
Elosegi 56 eta 58 etxeak, eraitsi aurretik, astelehenean./Aimar Maiz
