Murumendiko altxorrak ikustera, Itsasondotik
Itsasondoko Udalak eta Aranzadi zientzia elkarteak mendi irteera berezia prestatu dute, larunbaterako. Murumendiko natura-balioa, arkeologia eta kondairak ezagutzeko modua izango da. Biodibertsitatea behatuko dute, eta Suhar arkeologo taldekoek azken urteetan egin dituzten indusketen berri emango dute, Burdin Aroko herrixkan. Agustin Linazarasorok Mariren koba erakutsi eta kondairak azalduko ditu. 09:30ean abiatuko dira, udaletxe aurretik. Jan-edana eta linterna eraman behar dira.
