San Isidroko zubia konpontzeko eskatu dio PSE-EEk aldundiari
Gipuzkoako PSE-EE alderdiak Batzar Orokorretan Zumarragarekin lotutako eskaera egin dio Foru Aldundiari: «San Isidro auzoan dagoen zubia konpontzea Zumarragako Udalak auzoa eraberritu ahal izateko». Eneko Andueza sozialistak egin du eskakizuna mugikortasun eta bide azpiegitura batzordeko bozeramailea baita, «Aldundiak eta Zumarragako Udalak ekintza egutegi bat zehaztu behar dute Eitzagako auzoaren eraberritze lanak egin ahal izateko». Anduezak San Gregorio eta San Isidro arteko zubia «birmoldatzeko proiektua idaztea» eskatu dio aldundiari, eta Zumarragako Udalarekin batera «lanen egutegia zehaztu» dezala.
Gi-632 errepideko zubia Gipuzkoako Foru Aldundiarena da, bertan dago Eitzagako auzoko zubia
