Goi tentsioko linearen inguruko galdeketak egiten ari dira gaur 19:00etatik 21:00etara Gabiriako, Zeraingo eta Mutiloako plazetan. Goierriko hiru herri hauez gain, Nafarroako 33 herritan ere ari dira galdeketak egiten. Hiru herri hauetan erroldatuta dauden 18 urtetik gorakoek eman dezakete bozka.
Bihar ere egongo da herri galdeketetan parte hartzeko aukera egun osoan zehar, arratsaldeko 19:00ak arte. Kontaketa egin ondoren, botoak Nafarroako Arazuri herrira eramango dituzte. Bertan guztiak bilduko dituzte eta REE Red Electrica de España enpresari eta Industria eta Energia Ministerioari helaraziko dizkiete.
