Txondorra egiten hasiko dira zapatuan Lizarrustin
Lizarrustiko Parketxeak antzinako lanbide zaharrak berritzeko asmoz, ikazkintzari eskainiko dio hurrengo ekimena. Ikatz txondorra egingo dute. Larunbatean hasiko dira egur meta prestatzen, 10:00etan. Auzolanean egingo dute lan hori, eta laguntzeko prest daudenak onartuko dituzte. Txondorra irailaren 22an piztuko dute, ondoren 10-20 egun egosten edukitzeko.
