Lazkaoko plaza inguruan ezingo da aparkatu gaurtik igandera arte
Lazkaoko Euskadi enparantzaren aldameneko aparkalekuan ezingo da autorik aparkatu, asteburuan. Hainbat ekitaldi ospatuko dira ostiraletik igandera, Autorik gabeko eguneko bizikleta martxa, herriko merkatarien azoka, Euskaraz bizi nahi dut korrika proba, mendiko duatloia eta Bizipozaren Jaia, esate baterako. Hala, gaur arratsaldean itxiko du Udaltzaingoak aparkalekua. Larunbatean eta igandean ezingo da hara autoan sartu.
