Herri baratzeetako jakiak dastatuko dituzte bihar Legorretan
Legorretako herri baratzeetan ekoitzitako barazkiak plazan erakutsiko dituzte, bihar, 18:30etik aurrera. Herritarrek beren sailetan atera dituzten produktuen erakusketa jarriko dute, eta ondoren jateko modua izango da. Ugaro herri eskolan duten baratzeko gaiak ere eramango dituzte. Sagardoa eta ardoa udalak jarriko du. Argazki erakusketa bat ere atondu dute, baratzeei buruz.
