‘Ez gara Palestinaz ari’ antzerkia egingo dute Itsasondon, gaur
Itsasondon kultura-ekitaldiak antolatu dituzte astebururako. Gaur, Ez gara Palestinaz ari antzezlana egingo dute Ander Lizarralde eta Unai Muñoa bertsolariek, eta Imanol Kamio eta Aitor Atxega musikariek, «herriko sorpresa» eta guzti. Doan da, 22:00etan, eskolako aterpean (berogailua jarriko dute). Bihar, berriz, 17:30ean haurren zinema saioa izango da gaztelekuan. 2 euro da sarrera. Biltzen den dirua gaztetxoek urteko ekitaldiak egiteko izango da. 19:30ean talo festa izango da, pilotalekuan.
