Joseba Tapiak Zaldibian joko du, ostiralean
Joseba Tapia musikari lasartearrak Zaldibian kontzertua egingo du, etzi, ostirala. Tximela kapitainaren izarrak azken diskoko piezak joko ditu. Emanaldia Txanbolintero taldeak antolatu du, udalaren babesarekin. 22:30ean hasiko da, Karreane kultur etxeko ganbaran. Goierrin disko berriarekin egingo duen hirugarren saioa da, Lazkaoko aurkezpen orokorraren (azaroaren 26an) eta Ataun Aiako emankizunaren (abenduak 13) ondoren.
