Gabiriako Osinalde elkarteak urteko batzar nagusia egingo du larunbatean: 18:30ean lehen deialdian eta 19:00etan bigarrenean. Gai zerrendari dagokionez, iazko batzarreko akta onartuko dute, 2013ko ekintza-programa azalduko dute, mantentze lanen berri emango dute, 2013ko diru kontuak aurkeztuko dituzte, bazkide kopuruaren berri emango dute, 2014ko aurrekontua eta proposamenak aztertuko dituzte eta zuzendaritza batzordeko kide berriak aukeratuko dituzte. Ondoren, bazkideek bestelako gaiak aurkezteko aukera edukiko dute. Zuzendaritzako kideek bazkideen presentzia eta parte hartzea eskatu dute. Batzarra bukatutakoan, afari-merienda egingo dute, zuzendaritzakoek prestatuta.
