Kriket ikastaroa jarriko dute martxan Urretxun, apirilean
Mohamed Omar (Gujrat, Pakistan, 1989) apirilean Urretxun martxan jarriko den kriket ikastaroko irakaslea da. Urretxuko udaletxean iaztik lanean dabilen Aniztasun eta Bizikidetza mahaian sortu da ikastaroa antolatzeko ideia. Ekimenaren helburua
The post Kriket ikastaroa jarriko dute martxan Urretxun, apirilean appeared first on Otamotz.
Mohamed Omar (Gujrat, Pakistan, 1989) apirilean Urretxun martxan jarriko den kriket ikastaroko irakaslea da. Urretxuko udaletxean iaztik lanean dabilen Aniztasun eta Bizikidetza mahaian sortu da ikastaroa antolatzeko ideia. Ekimenaren helburua bikoitza da, batetik kirol hau ezagutzera ematea, eta bestetik kanpotik etorri diren urretxuarren eta bertakoen arteko harremanak sustatzeko gune bat sortzea.
Nolatan sortu da Urretxun kriket ikastaro bat antolatzeko ideia?
Hilean behin elkartzen gara Aniztasun eta Bizikidetza mahaian. Bertan bakoitzak bere ideiak botatzen ditu eta guztien artean eztabaidatzen ditugu. Nik iaz, beste pakistandar batzuekin batera Zumarragako Beloki pilotalekuan kriketean jokatzen genuela azaldu nien, eta jokatzen jarraitzeko leku baten bila genbiltzala. Hortik sortu zen ikastaroaren ideia, kriketa bertakoei erakusteko asmoz.
Noiz eta non antolatuko duzue?
Ikastaroa apirileko igande guztietan izango da, 17:00etatik aurrera. Lizeo aurreko kantxan egingo dugu eta irekia da, haurrak, helduak, neskak, mutilak… eman dezakete izena. Ikastaroak arrakasta badu, nire asmoa aurrerago talde bat osatu eta Azpeitian eta Azkoitian dagoeneko martxan dauden kriket taldeen aurkako partidak antolatzea da.
Nola jolasten da kriketean?
Pakistanen oso kirol ezaguna da kriketa. Bate bat, guk bat deitzen diogun egurrezko makil luze bat eta pilota bat behar dira jokatzeko. Oinarrian, bi taldetan banatuta jokatzen da. Futbolean bezala talde bakoitzak hamaika jokalariri izatea da ohikoena. Talde bakoitzak bere kapitaina du, eta jokoari hasiera emateko txanpon bat botatzen da airera batea jotzen zein hasiko den lehenengo erabakitzeko.
Elkarrizketa osorik irakurtzeko aukera bihar, Goierriko Hitzan.
The post Kriket ikastaroa jarriko dute martxan Urretxun, apirilean appeared first on Otamotz.
