Legorretako jaiak iragartzeko kartel lehiaketa antolatu dute
Legorretako Azentzio jaiak iragarriko dituen kartela eta egitarauko azala aukeratzeko lehiaketa antolatu du udalaren Kultura lantaldeak. Kartelak martxoaren 21eko 14:00ak baino lehen aurkeztu behar dira, kultur etxean edo udaletxean. Karratua izan behar du nahitaez, eta Legorretako Azintzio Jaiak 2014 idatzia eduki behar du. Neurria eta teknika norbere iritzira utzi dituzte. Paperean inprimatuta edo euskarri digitalean eraman litezke.
Jaiekin lotutako irudi edo leloren bat islatu behar du kartelak. Irabazleak Aulia sagardotegian bi lagunentzat afaria jasoko du saritan. Herritarren botoekin ebatziko da kartel onena zein den.
Festetako argazkiak ere bilduko dituzte, egitarauan sartzeko.
