Eskolarteko txapelketa jokatuko dute igandean Goierri xake taldeak antolatuta
Gipuzkoako Eskolarteko Xake txapelketako kanporaketa jokatuko da igandean, Urretxun. Goierri xake taldeak antolatu du ekimena eta guztira 40 bat haurren parte hartzea espero dute igandean. Jon Alvarez Goierri xake eskolako kideak esan duenez, «bertako 18 bat haurrek» hartuko dute parte etziko antolatu duten saioan, «beste horrenbeste» espero dituzte Legazpiko Santikutz xake taldetik eta gainontzekoak Azpeitia, Azkoitia eta Arrasateko jokalariak izango dira.
Gipuzkoako Eskolarteko Xake txapelketako kanporaketa jokatuko da igandean, Urretxun. Goierri xake taldeak antolatu du ekimena eta guztira 40 bat haurren parte hartzea espero dute igandean. Jon Alvarez Goierri xake eskolako kideak esan duenez, «bertako 18 bat haurrek» hartuko dute parte etziko antolatu duten saioan, «beste horrenbeste» espero dituzte Legazpiko Santikutz xake taldetik eta gainontzekoak Azpeitia, Azkoitia eta Arrasateko jokalariak izango dira.
Parte hartzaileek aurre-benjamin, benjamin, kimu eta haurren mailetan jokatuko dute. Gipuzkoako txapelketarako «kimuak eta haurrak baino ez dira arituko», baina gazteenekin eta «xake zaletasuna sustatzeko helburuz» hainbat jolas antolatuko dituzte.
Saioa ikastolako jangelan
Gainontzean kimuak eta haurrak «sistema suitzarrean jokatu beharko dute», eta partida bakoitzak hamar edo hamabost minutuko iraupena izango du. Urretxun jokatuko duten kanporaketatik «bi talde sailkatuko dira Gipuzkoako txapelketarako, eta banaka, lehenengo bi onenak».
Kanporaketari 10:00etan emango diote hasiera ikastolako jangelan. Irekia izango da eta nahi duen guztia dago gonbidatuta.
The post Eskolarteko txapelketa jokatuko dute igandean Goierri xake taldeak antolatuta appeared first on Otamotz.
