Kamioi batek guraizearena egin eta arazoak sortu ditu N1ean, Idiazabal parean
Auto iladak sortu dira N1 errepidean, Idiazabal parean, kamioi batek eta furgoneta batek istripua izan eta gero. Gasteizko norantzan zihoan kamioiak guraizearena egin du, Idiazabalgo irteeratik gertu. Une batez trafikoa eten behar izan badute ere, ari dira pixkanaka bidea arintzen. Herrizaingo sailetik emandako datuen arabera, inork ez du zauri larririk izan.
