Gure Esku Dago dinamikak Idiazabalen festa egin zuen larunbatean. Giza katea egin zuten eta ondoren pilotalekura joan ziren. Bertan, taloak eta sagardoa dastatu zituzten, kamisetak egon ziren salgai, haurrek egindako marrazkiak ikusgai egon ziren, metroak saldu zituzten, kantu jira taldeak Gure Esku Dago abestia abestu zuen Joseba Iparragirre soinujolearekin, Beñat Urteaga gitarra-jotzailearekin eta Ion Telleria txistulariarekin eta Axari dantza taldekoek festarako prestatutako koreografia eskaini zuten. Bukatzeko, argazkia atera zuten.
Larunbat honetan Gure Esku Dago dinamikak Bilboko La Casillan ekitaldia antolatu du eta Idiazabalgo taldeak herritarrak bertara joatera animatu ditu. Idiazabalen 280 lagunek eman dute izena dagoeneko ekainaren 8ko giza katerako. Erronka 400 lagunek parte hartzea da. Oraindik izena eman ez dutenek, Izpar dendan eta estankoan dute horretarako aukera.
