Ikurriñaren aldeko ekitaldia egin dute Legorretan, ikurren legearen "inposaketaren aurka"
http://youtu.be/RUa-GgZd0e4 Espainiar bandera udaletxeko balkoian ezartzeko agindua dela eta, Legorretako Udalak deituta dozenaka herritar elkartu dira gaur udaletxe aurrean, ikurriñaren aldeko ekitaldian. Udaletxean ikurriña zintzilikatzearekin batera, herritarrek ere ikurriñak erakutsi dituzte, "inposaketaren aurkako" protesta moduan. Bide batez, herritarrei ere beraien etxeetako balkoietan ikurriñak zintzilikatzeko eskatu die udalak. Horrez gain, datorren astean egingo duten osoko bilkuran, mozio bat landuko dute.
Espainiar bandera udaletxeko balkoian ezartzeko agindua dela eta, Legorretako Udalak deituta dozenaka herritar elkartu dira gaur udaletxe aurrean, ikurriñaren aldeko ekitaldian. Udaletxean ikurriña zintzilikatzearekin batera, herritarrek ere ikurriñak erakutsi dituzte, “inposaketaren aurkako” protesta moduan. Bide batez, herritarrei ere beraien etxeetako balkoietan ikurriñak zintzilikatzeko eskatu die udalak. Horrez gain, datorren astean egingo duten osoko bilkuran, mozio bat landuko dute.
Espainiar bandera jartzeko agintzen duen 39/1981 legeari aurre egiten saiatu zirela azaldu du Bakartxo Mendez alkateak. Epaibideak aurrera egitea lortu bazuten ere, azkenean Euskadiko Auzitegi Nagusiak behartu egin du udala bandera hori udaletxean jartzera. Horrenbestez, “bandera jartzea beste erremediorik” ez zaiela gelditzen azaldu du, eta “beste udaletan bezala, azkenean bandera jarri” egin beharko dutela.
Hala ere, gaurko ekitaldiaren bidez garbi utzi nahi izan dute “gure ikurra ikurriña” dela eta “inposatzen zaigun bandera honek ez duela inoiz herri hau ordezkatuko”.
