Alberto Contador izan da azkarrena Ordiziako helmugan, Gaintzan erakustaldia eman eta gero

http://youtu.be/cp7vCZ_0wx0 Bi oilar, bi faborito agintzen zituzten adituek, eta bien arteko kontua izan da gaurko etapa. Alberto Contador izan da azkarrena Ordiziako helmugan, eta 13 segundoko tartea atera dio Alejandro Valverderi. Gaur hasi da Euskal Herriko Itzulia, irteera eta helmuga Ordizian zuen lehen etaparekin. Ibilbidea ikusita, etapa ikusgarria espero zitekeen, eta hala izan da. Gaintzako aldapa zen puntu beroetako bat, eta hantxe hasi da lasterketa erabakitzen.

Goierriko Hitza

Gaintza,Ordizia

2014/04/07

Bi oilar, bi faborito agintzen zituzten adituek, eta bien arteko kontua izan da gaurko etapa. Alberto Contador izan da azkarrena Ordiziako helmugan, eta 13 segundoko tartea atera dio Alejandro Valverderi. Gaur hasi da Euskal Herriko Itzulia, irteera eta helmuga Ordizian zuen lehen etaparekin. Ibilbidea ikusita, etapa ikusgarria espero zitekeen, eta hala izan da. Gaintzako aldapa zen puntu beroetako bat, eta hantxe hasi da lasterketa erabakitzen. Valverde tiraka aritu eta gero, Contadorrek ihesari ekin eta tartea atera dio Valverderi; beherakoan eta azken kilometroetan eutsi egin dio, gainera. Bien atzetik, beste seikote bat sartu da, Michael Kiatkowski buru zuteka; hark osatu du podiumeko hirukoa. Zaleak ere ikuskizun gose ziren, eta Gaintzako aldaparen azken metroak jendez gainezka ziren. Lazkaomendin eta Ordiziako helmugan ere jendetza bildu da.