Roman Elosegik Laudioko idi dema irabazi du
Roman Elosegi Zaharra itzain zaldibiarrak Laudioko (Araba) 44. Idi Dema irabazi du. Hamahiru uztarrik parte hartu dute, eta nagusitasun handiarekin irabazi du, bigarrenari zazpi plazaren aldea kenduta. Mantak eta 1.300 euroko saria jaso du. Aurten hasi da apustuetan eta lehiaketa ofizialetan Elosegi, eta irabazi duen hirugarren dema da, Aiako bi apusturen ondoren.
