Karmakrosek antzerki tailerra egingo du Zumarragan, etzi hasita
Urretxuko eta Zumarragako Karmakros antzerki tailerrak bat-batekotasunari buruzko ikastaro trinkoa egingo du asteburuan Zumarragako Zelai Arizti kultur etxean. Ikastaroan parte hartzeko izena Urretxuko zein Zumarragako kultur etxeetan eman daiteke. Ikastaroa etzi hasiko da 10:00etan, eta 14:00etaraino iraungo du. Bazkaltzeko eten bat egin ondoren, arratsaldean jarraituko dute, 16:00etan hasi eta 20:00etaraino.
Urretxuko eta Zumarragako Karmakros antzerki tailerrak bat-batekotasunari buruzko ikastaro trinkoa egingo du asteburuan Zumarragako Zelai Arizti kultur etxean. Ikastaroan parte hartzeko izena Urretxuko zein Zumarragako kultur etxeetan eman daiteke.
Ikastaroa etzi hasiko da 10:00etan, eta 14:00etaraino iraungo du. Bazkaltzeko eten bat egin ondoren, arratsaldean jarraituko dute, 16:00etan hasi eta 20:00etaraino. Igandean ordutegi berbera izango du, goizez eta arratsaldez. Ana Perez aktoreak emango du ikastaroa, eta interesa dutenek 699 00 06 76 telefonora deitu dezakete informazio gehiago jasotzeko. Karmakroseko kideek doan egingo dute tailerra eta kide ez direnek 30 euroko matrikula ordaindu beharko dute.
Patxi Remiro da Karmakros antzerki taldeko arimatako bat, eta azaldu duenez taldeak urtero antolatzen du ikastaro ireki bat, taldeko kideentzat eta kide ez direnentzat.
Bien bitartean, azkenaldian taula gainean Urretxuko eta Zumarragako ikusleen aurrean jarri ez badira ere, lanean «buru-belarri» ari direla dio Remirok. «Adinekoen egoitzetatik asko deitu digute eta adin tarte horretarako lan berri bat egin dugu, lan kutun bat da», azaldu du. Egun bost lagun ari dira Remirorekin batera: Arantxa Azaldegi, Mary Franco, Rafi Herreros, Jose Felix Sandonis eta Gorka Zufiaurre. Jean Olivo ere batzen zaie tarteka.
Zufiaurre filmatzen ari da
Zufiaurre urretxuarra Jose Coronadorekin Fuego filma grabatzen ari da, eta «taldeko neskek figurante bezala parte hartu dute filmazioan eta poz-pozik aritu dira».
Lan txiki asko egiten ari dira, eta esku artean proiektu handiagoa dute. Remirok dioenez, «proiektu horrek pentsatu baino lan gehiago eskatu digu eta polikiago doa». Edozein kasutan, urtea amaitu baino lehen «zer edo zer dotore-dotorea aurkezteko moduan» egongo direla uste du.
Entseguak Urretxuko Labeaga aretoan egiten dituzte, astelehenetan eta asteazkenetan, «azkeneko orduan», dio Remirok. Asteburuko tailerrean parte hartzera animatu nahi du jendea: «Ondo pasatuko dutela ziurtatzeko moduan nago».
The post Karmakrosek antzerki tailerra egingo du Zumarragan, etzi hasita appeared first on Otamotz.
