Olaberri auzoko festak ospatuko dituzte Zegaman
Larunbatean, Olaberri auzoko festak ospatuko dituzte Zegaman. Egun osoko festa izango da, eta ekitaldi nagusia auzoan bertan egingo duten bazkaria izango da. Olaberrin bizi izandakoak eta egun bizi direnak biltzen dira bazkarian. Gainera, asko izaten dira Olaberrikoak ez izan arren, bazkaltzera joaten diren zegamarrak; guztira ehun bat lagun bilduko dira aurten. Bazkariaz gain, toka txapelketa, aizkolariak eta ume-jolasak ere izango dira larunbatean Zegamako Olaberri auzoan.
