Maria Jose Lera psikologoak ‘Golden 5’ eskola egitasmoaz hitz egingo du bihar Lazkaon
Lazkaoko San Benito ikastolak Maria Jose Lera psikologoaren hitzaldia antolatu du, biharko. Golden 5 egitasmoa aurkeztuko du, Europako Hezkuntza Batzordeak Comenius sariarekin saritutako eskola-baliabidea. Hitzaldia bihar 18:30ean da, Arerian.
Sevillako Unibertsitatean psikologia ebolutiboan doktore da Lera andaluziarra, ikasgeletako erronka psiko-hezitzaileetan Europa mailako ikertzailerik «garrantzitsuenetakoa», San Benito ikastolak aurreratu duenez. Ikasleen errendimendu akademikoa hobetzeko bidea eta beren garapen psikologikoa indartzeko gakoak ikertu ditu.
Ikasleen motibazio eza, errendimendu baxua, edo jazarpena eta bazterkeria jorratuko ditu.
