TAOrako makinak ere jarri dituzte Beasainen
Datorren astelehenean, maiatzak 12, jarriko dute martxan Beasaingo TAO sistema. Horretarako, duela bi aste hasi ziren margoketa lanak egiten, eta eguraldi txarragatik geldialditxo bat egin ostean, aste honetan berriro ekin diete lanei. Irudian, gaur goizerako jarrita zegoen TAOrako makina ageri da. Irudian ikus daitekeen bezala, eguzkiaren energiaz funtzionatzen du, makinaren goialdean duen eguzki xaflari esker.
