Oihan Magikoa ezagutzen izan dira Beasaingo gaztetxoak
Beasaingo Alkartasuna Lizeoko 5. mailako 45 gaztetxo eta Andramendi Ikastolako 5. eta 6. mailako beste 21, Zuhaitz Eguna ospatzen izan dira Arriaranen. Joseba Mendiaren Oihan Magikoan izan dira. Bertan, hosto zabaleko 50 zuhaitz espezie eta 26 konifera ezagutu dituzte Mendiak lagunduta. Gainera, azpiespezie ugari ere baditu: bospasei urki espezie, haritzaren espezie ezberdinak, pagoarenak… “Gozamenaren bitartez oihana ezagutzea” nahi zuen Mendiak, eta halaxe egin dute. Gustura zebiltzan gaztetxoak zelaian, azalpenak entzun ostean, zuhaitz arteetan jolasten. Oinez joan dira Oihan Magikora, eta autobusez egingo dute itzulera.
