Aizkorri Mendizale Elkarteak bi urtez behin antolatzen duen Tomas Salazar Aizkorriko Bira ekainaren 14an egingo dute aurten. 52 kilometroko luzeera eta 2.000 metroko igoera aldea duen bira hau berritasunez beteta dator. Aurten, lehen aldiz Aizkorrira Begira izeneko ibilbide bat egingo dute, bira hoenn barruan. 8-16 urte arteko gaztetxoentzat egongo da zuzenduta eta hasi eta amiatu leku berean egingo badute ere, ibilbidea motzagoa izango da: 16,8 kilometrokoa.
Web orrialde berria ere egin dute, Aizkorriko Birarentzat propio. Beasaingo Innovatek enpresa arduratu da horretaz. Enpresa bera arduratu da Ehunmiliak probako Georunner kokapen sistema sortzeaz, eta Aizkorri Mendizale Elkartekoei eskatu zieten, Ehunmiliak proba baino lehen denez, Aizkorriko Biran kokapen sistema hau probatzeko. Honela bada, Aizkorriko Biran parte hartuko duten 30 lagunek probatuko dute sistema hau, 3Gdun mugikorren bidez.
Bira honen inguruko web orrialde berria ere egin duten eta bertan eman daiteke izena:
www.tomasaizkorrikobira.com
Informazio gehiago biharko papereko HITZAn.
