Legazpiko silo bolen plastikoak asteartean jasoko dituzte
Legazpiko silo bolen plastikoak datorren asteartean bilduko dituzte. Bi gune daude prestatuta: Hegialde auzoan, tiro-zelaiaren sarreran, eta Brinkola auzoko zerrategian. Baserritarrek astelehenean atera behar dituzte plastikoak, ez lehenago. Bestalde, birziklatzeko arazoak ematen dituztenez, plastikozkoak ez diren sokak eta plastikozko bidoiak ez dira atera behar. Mineralen zakuak, ordea, atera daitezke: zaku batean sartuta eta muturra sokatxo batez itxita.
