Larunbatean Legazpiko futbol-7 txapelketako azken partidak jokatuko dituzte Bikuña futbol zelaian. Finala Attiko eta Futbol Comedy taldeek jokatuko dute eta hirugarren posturako, berriz, Mercenarios eta Loratzen taldeek jokatuko dute.
Futbol festa 12:30ean hasiko da. Ordu horretan Mercenarios eta Loratzen taldeek indarrak neurtuko dituzte. Irabazleak hirugarren postua lortuko du.
Ondoren, 14:30ean, herri bazkaria egingo dute Azoka gunean. Bihar da txartelak erosteko azken eguna. Lau tabernatan daude salgai: Giroa, Kukue, Oilarra eta Karibe Zaharra.
Bazkalostean, 17:30ean, Attiko eta Futbol Comedy taldeek finala jokatuko dute. Ondoren, ikusleek eta jokalariek kalejira egingo dute.
