Azaroaren 22an Benito Lertxundik kontzertua egingo du Legazpiko Urbeltz pilotalekuan. Udaleko Merkataritza batzordeak hamabost sarrera bikoitz zozketatuko ditu Ilintiko merkatari elkartearen dendetan erosketak egiten dituzten pertsonen artean. Zozketa urriaren 24an egingo dute, 20:00etan, Nafarroa kalean.
Sarrerek 20 euro balio dute eta Legazpiko kultur etxean eta Urbeltz eta Kukue tabernetan, Zumarrako Hirukia tabernan, Urretxuko HD tabernan eta Oñatiko Arkupe tabernan jarriko dituzte salgai. Kutxabanken ere erosi ahal izango dira. Egunean bertan, leihatilan, 22 euro balioko dute.
