Lazkaoko bost neskak osatu dute The Kites izeneko ahots musika taldea. Telebistarako elkartu, prestatu eta trebatu dira, eta ikusleek gaur izango dute emaitza ikusteko lehenengo aukera. ETB1eko A ze banda programa berrian abestuko dute. Gaur 22:15ean hasiko da saioa.
Lazkao Txiki Musika Eskolan dabiltza bost lagunak. Grabaketak uztailean eta abuztuan egin zituzten. A ze banda aurreko asteazkenean hasi ziren emititzen, eta bigarren programan egingo dute debuta lazkaotarrek. «Ezin dugu esan zer pasatu den, noski. Baina nahiko gustura gelditu gara», dio Aizpea Garmendia taldekideak.
Zortzi programa grabatuta daude, eta asteazkenero emango dituzte, ETB1en. Musika lehiaketa da, taldeka. «Gehienez bost lagunekoak izan litezke. Koru modura da».
Cold Playren arrakasta bat
Lehenengo saio horretarako, lazkaotarrek eurek aukeratu ahal izan dute abestia. Cold Play taldearen
Viva la vida abestuko dute. Hurrengoetarako, ordea, epaimahaikoak izendatuko die zer abesti landu behar duten. Gauza bat, beraz, segurua da: programa bat baino gehiago jarraituko dutela.
The Kites taldea bost neska lazkaotarrek osatu dute: Saioa Etxebeste, Leire Agirre, Eider Saez, Maddi Berrocal eta Aizpea Garmendia dira abeslariak. Musika eskolako irakasleek prestatu dituzte.
Ordiziako Etxeberriatarrak
Goierritar gehiago ere ariko dira A ze banda lehiaketan. Aitana eta Paula Etxeberria ahizpek osatutako Twin Melody bikoa da bat. Ordiziarrak dira, eta Interneten benetako oihartzuna ari dira lortzen. Etxean eta euren baliabidez grabatutako bideoak igotzen dituzte sarera, kantagile ospetsuen piezak kantatuz. Ingelesez abesten dute.
Hilero bideo bat sartu ohi dute Interneten. Beren abestien arrakastak neurri handia hartu du. Ikusiena
Really Don’t Care dute; atzo eguerdian 457.671 ikustaldi zituen.
Shake it off abestia 236.547 aldiz ikusia da, edo
Can’t Remember to Forget You 218.375 aldiz.
Pausoka ekoiztetxeak egina da A ze banda. Iban Garate eta Nerea Rodriguez dira aurkezleak, eta epaimahaikoak Zuriñe Hidalgo (Hesian) eta Alex Sardui (Gatibu) abeslariak. Aldiko, beste abeslari profesional batek osatuko du epaile taldea.
Goierritar gehiago ere ariko dira A ze banda lehiaketan. Aitana eta Paula Etxeberria ahizpek osatutako Twin Melody bikoa da bat. Ordiziarrak dira, eta Interneten benetako oihartzuna ari dira lortzen. Etxean eta euren baliabidez grabatutako bideoak igotzen dituzte sarera, kantagile ospetsuen piezak kantatuz. Ingelesez abesten dute.
Hilero bideo bat sartu ohi dute Interneten. Beren abestien arrakastak neurri handia hartu du. Ikusiena Really Don’t Care dute; atzo eguerdian 457.671 ikustaldi zituen. Shake it off abestia 236.547 aldiz ikusia da, edo Can’t Remember to Forget You 218.375 aldiz.
Pausoka ekoiztetxeak egina da A ze banda. Iban Garate eta Nerea Rodriguez dira aurkezleak, eta epaimahaikoak Zuriñe Hidalgo (Hesian) eta Alex Sardui (Gatibu) abeslariak. Aldiko, beste abeslari profesional batek osatuko du epaile taldea. 
