Azaroaren 8ko mosaiko erraldoira deitu ditu herritarrak Ordiziako Gure Esku Dagok
Zurriolan 5.000 lagun biltzeko erronka jarri du herri mugimenduak
Ordiziako hainbat herritar hedabideen aurrera atera ziren atzo iluntzean Gure Esku Dago egitasmoak Zurriolan egingo duen ekintzari euren babesa erakusteko. Durango eta Iruñea lotu zituen ekainaren 8ko gizakatearen ondoren, azaroaren 8an mosaiko erraldoia egingo da Donostiako Zurriola hondartzan.
Kataluniarren geroa baldintza dezaken galdeketaren bezperan jarri dute hitzordua Zurriolan. Maite Goñi bozeramaileak azaldu zuen gisan, Zurriolan eskoziarrak lortutakoagatik zoriondu, eta kataluniarrei hasiko bidearekin jarraitzeko animoak ematea dute asmoa. “Euskal Herrian bitartean baldintzak ereiten diardugu, hainbat sentsibilitatez osatutako erabaki eskubidearen aldeko sarea osatzen ari gara. Azaroaren 8koa urrats bat gehiago izango da hasi dugun eta inork geldituko ez duen bide horretan. Erabakitzeko eskubidea dugulako”.
Hitzordua azaroaren 8an da, larunbata, Zurriolako hondartzan goizeko 11:00etan. Elkartzen diren guztien artean koloretako aterki eta petoak erabiliz hainbat irudi osatuko dira. Bertaratzeko asmoa dutenek, ordea, izena eman behar dute. Mosaikorako materiala jaso ahal izateko txartela erosi beharko da 5 eurotan. Ordiziarrei, gainera, egunean bertan trenez joateko dei egin diete.
Bideoklipa Urretxu-Zumarragan
Mosaiko erraldoirako deialdia egiteaz gain, Urretxu-Zumarragako Gure Esku Dago batzordeak ekimen berezi batean parte hartzeko deia egin du. Kataluniarrei babesa eta elkartasuna adierazteko bideoklip bat grabatuko dute bihar. Elkartasuna adierazteko bideoa izango da; horretarako 150 bat pertsona beharko dituzte, “gehiago badira hobe”. 19:00etan elkartuko dira Gernikako Arbola plazan; lehen entsegua eginda grabaketa egingo dute.
IZEN-EMATEAK HERRIZ HERRI
BEASAIN
- Bihar, osteguna: 19:00etatik 21:00etara Zubimuzu plazna.
- Azaroak 2, igandea: 11:00etatik 13:00etara.
- Bihar, osteguna. 19:00etatik 20:00etara Kultur Etxean.
- Bihar, osteguna. 19:00etatik 21:00era ohiko lekuan.
- Etzi, ostirala: 19:00etatik 21:00era ohiko lekuan.
- Azaroak 6, osteguna. 19:00etatik 21:00era ohiko lekuan.
- Azaroak 7, ostirala. 19:00etatik 21:00era ohiko lekuan.
- Egunero. Gerriko liburu dendan.
- Etzi, ostirala. 19:00etatik 21:00era.
- Azaroak 2, igandea. 12:00etatik 14:00era.
- Azaroak 7, ostirala. 19:00etatik 21:00era.
- Etzi, ostirala. 19:00etatik 21:00era udaletxe aurrean.
- Azaroak 1, larunbata. 12:00etatik 14:00etara eta 19:0etatik 21:00etara Udaletxe aurrean.
- Etzi, ostirala. 19:00etatik 21:00era Plaza Nagusian.
- Azaroak 7, ostirala. 19:00etatik 21:00era Plaza Nagusian.
- Egunero. Mujika dendan.
- Gaur, osteguna. 18:00etatik aurrera.
- Egunero. 20:00etatik 20:30era Areizaga-Kalebarren plazan (igandeetan izan ezik).
