Beasaingo koadrilen arteko futbito txapelketa asteburu honetan hasiko da
Zanbo koadrila arduratuko da aurtengo txapelketa antolatzeaz
Asteburu honetan hasi eta datorren urteko festetan amaituko da, ohi bezala Beasaingo koadrilen arteko futbito txapelketa. Aurten XXXIX. txapelketa izango da eta Zanbo koadrila arduratuko da antolatzeaz.
Lehen partidak asteburu honetan, larunbatean eta igandean, jokatuko dituzte, honako taldeek: Zanbo-Arane, Jazpana-Koyote, Rotula Studio-Barandiaran, Zintzharri-Patxangas, Banba-Txerkole, Garaitezinak-Los Chicos. Lehen jardunaldi hauek arbitratzeaz ardutatuko dira Zanbokoak.Lehen fase honetako hamar jardunaldiak amaitzen direnean, datorren urteko otsail erdialdean, sailkapenean puntu gehien dituzten lehen zortzi taldeak sailkatuko dira hurrengo faserako. Hemen lehen faseko partida guztiak: Futbito txapelketako egutegia 2014-2015
