'Irakurri, gozatu eta oparitu' kanpaina abiatu dute Goierriko zortzi herritan

Ataunek, Beasainek, Idiazabalek, Lazkaok, Segurak, Olaberriak, Ordiziak eta Zaldibiak egin dute bat egitasmoarekin

Goierriko Hitza

Ataun,Beasain,Idiazabal,Lazkao,Olaberria,Ordizia,Segura,Zaldibia

2015/04/24

Iazko kanpaina Lazkaoko zozketan saritutako Mertxe Altuna.

Iazko kanpainan Lazkaoko zozketan sarituetako bat.

Euskaltzaleen Topagunearekin batera, Irakurri, gozatu eta oparitu egitasmoa jarri dute martxan Euskal Herriko 42 herrik. Tartean dira Goierriko bederatzi herri: Ataun, Beasain, Idiazabal, Lazkao, Segura, Olaberria, Ordizia eta Zaldibia. Atzo, Liburuaren Nazioarteko Egunarekin batera hasi eta ekainaren 30ean bukatuko da. Egitasmo horrekin, irakurleak euskara eta euskal literaturara gerturatu nahi dituzte, “euskaraz irakurtzeko aukera zabala dagoela ikusteko”. Era berean, euskal liburugintza indartzeko, euskarazko kultur produktuen kontsumoa ere bultzatu nahi dute, bai umeena eta bai helduena.

Lau urrats Kanpaina parte hartzeko lau urrats jarraitu behar dira: 1. Irakurri: Lehenengo pausoa euskaraz irakurtzea da. Irakurleak liburutegiko mailegu zerbitzua erabilita, euskarazko liburu bat eramango du etxera. 2. Gozatu: Behin liburua irakurri eta liburutegira itzulitakoan, liburuari buruzko fitxa erraz bat beharko du irakurleak. Fitxa hori beteta, liburutegiko arduradunak erosketa txeka emango dio irakurleari, hitzartutako liburu dendan erosteko. 3. Erosi: %25 beherapenarekin beste liburu bat erosteko aukera izango da. Beherapenetan bada alderik. Beasainen, adibidez, Udal euskaltegiko eta AEK euskaltegiko ikasleek %50eko beherapena izango dute. 4. Oparitu erositako liburua: Erositako liburua oparitzeko pausoa da.

Bestalde, hileroko zozketak ere egongo dira, hilabete bakoitzean liburutegian maileguan libururen bat hartu dutenen artean. 30 euroko txekeak zozkatuko dira.

Azken elkarrizketak

Azken bideoak

Argitalpen bereziak