Aizkorriko Bira, ekainaren 12an
Datorren urteko ekainaren 12an egingo dute Aizkorriko Bira.
Beasaingo Aizkorri Mendizale Elkarteak bi urtean behin antolatzen duen Tomas Salazar Aizkorriko Bira, 2016ko ekainaren 12an, igandean, egingo da. VIII. edizioa izango da hurrengo urtekoa.
Beasaindik Aizkorrira joan-etorria egin behar izaten dute mendizaleek.Iraupen luzeko mendi ibilaldia da; 52 kilometro guztira. Beasaindik abiatu eta Olaberritik, Etzegaratetik eta Otsaurtetik barrena, Aizkorrira igoko dira mendizaleak. Itzulerakoa, Zegamatik, Zeraindik eta Urbizutik barrena egin beharko dute.
