Olentzeroren etorrera eta talo tailerra egin dituzte asteburuan, Anduetzan
Asteburuan izan da Zur eta Lur egitasmoaren azkeneko jarduera
Asteburuan Olentzeroren etorrera izan zuten Zegamako Anduetza parketxean. Bertan, Olentzerok Euskal Herriko mitologiaren azken jentilaren kondaira kontatu zuen. Bere istorioa entzun ondoren Olentzeroren laguntzaz askarirako taloak egin zituzten bertaratutakoek. Guztira 300 lagun inguru bildu ziren, eta parketxekoek jakinarazi dutenez datorren urtean errepikatzeko gogoz daude.
Zegamako Udalak eta Anduetza parketxeak elkarlanean antolatu dute Zur eta Lur egitasmoa. Azken jarduera honekin amaiera eman diote aurtengo ekitaldi sortari.
