Maria Ibañez, Ainhoa Sanz eta Elena Silvestre, Donostiako proban. Argazkia: Carlos Mediavilla
Ainhoa Sanz korrikalari urretxuarrak Euskadiko kros txapelketa irabazi zuen atzo, Donostiako hipodromoan jokatutako nazioarteko krosean. Emakumezkoen sailkapen orokorrean zazpigarren egin zuen Sanzek, Majida Maayouf eta Samira Ahboucheren atzetik; bera izan zen ordea, aurreneko euskalduna.
Bigarren Euskadiko txapelketa du Sanzek. Bere hurrengo erronka berriz, Espainiako txapelketa izango da. Taldekako proba hilaren 28an jokatuko dute Madrilen eta banakakoa, martxoaren 13an, Calatayuden.
Goierri Garaia atletismo taldeak ere lorpena egin zuen, taldekako sailkapenean bigarren gelditu baitziren atzoko proban. Ainhoa Sanzekin batera, Lourdes Oiartzabal, Nerea Arregi, Uxune Tena eta Naroa Arrieta korrikalariek osatzen dute taldea.
Gizonezkoetan, Txindoki taldea nagusi
Emakumezkoen proban bezala, gizonezkoenean ere erabatekoa izan zen atlteta afrikarren nagusitasuna. Imane Merga etiopiarrak irabazi zuen, eta podiuma, Kiptarus keniarrak eta Kifle eritrearrak osatu zuten.
Goierriko ordezkariei dagokionean, euskaldunen artean aurreneko postuetan ibili ziren Txindoki AT-ko Eneko Agirrezabal eta Goierri Garaia taldeko Ander Sagarzazu. Agirrezabal segurarrak 12. egin zuen sailkapen orokorrean, eta 6. Euskadiko Txapelketakoan.
Taldekakoan berriz, Txindokik laugarren egin zuen, eta Goierri Garaiak zazpigarren.
- Argazki galeria: Carlos Mediavilla
Donostiako Krosa 01
Donostiako Krosa 02
Donostiako Krosa 03
Donostiako Krosa 04
Donostiako Krosa 05
Donostiako Krosa 06
Donostiako Krosa 07
Donostiako Krosa 08
Donostiako Krosa 09
Donostiako Krosa 10
Donostiako Krosa 11
Donostiako Krosa 12
Donostiako Krosa 13
Donostiako Krosa 14
Donostiako Krosa 15
Donostiako Krosa 16
Donostiako Krosa 17
Donostiako Krosa 18
Donostiako Krosa 19
Donostiako Krosa 20
Donostiako Krosa 21
