Aizkorri Mendizale Elkartearen eskutik, bi urtean behineko hitzordua izan dute mendizaleek gaur Beasainen: helduenek Tomas Salazar Aizkorriko Bira eta gazteenek Aizkorrira Begira iraupen luzeko mendi martxak. Antolatzaileek” balorazio oso positiboa egiten dugu gaurko martxari buruz. Dena giro paregabean burutu da eta parte hartzea aparta izan da”.
Helduen proban, 52 kilometrokoan, Aizkorrira joan etorria egin behar dute mendizaleek. 149 mendizale atera dira 06:00etan Bideluze plazatik; 136 iritsi dira helmugara eta 13 erretiratu egin dira.
Lehenengo bost mendizaleak 6 eta 24 minutuan egin dute ibilbidea. “Nahiz eta mendi martxa bat dela azpimarratu, asko eta askok lasterketarako prestatuak datoz eta beraien erritmo bizkorra jarraitzen dute”, diote antolatzaileek. Hori dela eta, “martxa honetan ez dago irabazlerik, gure helburua ez baita lehia, baizik eta parte hartzea eta mendiaz gozatzea”.
II. Gazteen Bira
Gazteenen artean ere mendizaletasuna bultzatzeko duela bi urte sortu zen Gazteen Bira ere arrakastatsua izan da. 5 eta 14 urte bitarteko 81 haur eta gaztetxok, eta 74 helduk egin dute 16 kilometro pasatxoko ibilbidea. Elkartearen aurretik 08:00etatik atera eta 13:00etan iritsi dira.
Marrazki lehiaketa
Aurten lehenengo aldiz marrazki lehiaketa antolatu dute 7 eta 16 urte bitarteko haurrentzat eta gazteetnzat. Ia 500 marrazki aurkeztu dira lehiaketera. “Parte hartze bikaina iruditu zaigu. Marrazki guztiak helmugan ikusgai egon dira egunean zehar”, zehaztu dute antolatzaileek. Gazteen Bira amaitutakoan egin dute sari banaketa ekitaldia. Ondorengoak dira irabazleak:
7-11 urte artekoetan:
- Ariane De Leza. 10 urte. La Salle.
- Jon Cortes Ordoñez. 10 urte. Alkartasuna Lizeoa.
- Ander Kortaberria. 11 urte. Alkartasuna Lizeoa.
- Miren Aldasoro. 11 urte. Alkartasuna Lizeoa.
- Markel Enbil Goia. 9 urte. La Salle.
12-16 urtekoetan:
- Izar Foroni Ruiz de Larrinaga. 16 urte. Txindoki Institutua.
- Ane Salgado Miranda. 16 urte. La Salle.
- Naroa Lopetegi De Arriba. 12 urte. La Salle
