San Joan bezperako ekitaldian barruan, Zeraingo festetako egitarauko eta urtekariko azala aukeratzeko marrazki lehiaketako irabazleak aukeratu zituzten zeraindarrek. Festetako egitarau lehiaketara 25 lan aurkeztu dira eta urtekarirako zazpi.
Bertaratu zirenen botoak kontatuta, Aizpea Elorzaren marrazkiak jantziko du aurtengo festetako egitaraua. Urtekarikoa, berriz, Izar Foroniren marrazkiak.
Parte hartzaile guztiek aipamen saritxo bana jaso zuten.
San Joan sua
Sari banaketaren aurretik, umeen dantza saioa eta Uharka abesbatzaren saioak izan ziren. Ondoren, haurrak sorgintxo bihurturik, San Joan sua piztu zuten suziekin.
Ondoren, afari meriendaren bueltan, festetako egitarauaren eta urtekariaren azalak aukeratu zituzten.
