Kerejeta Euroligako urteko exekutibo izendatu dute
Joxean Kerejeta (Lazkao, 1957) Euroliga saskibaloi txapelketako urteko exekutibo edo zuzendari onena aukeratu dute, bertan parte hartu duten taldeek. 2005ean Pragan ere izendapen horixe eman zioten. Bi aldiz saritu duten bi zuzendarietako bat da Kerejeta, Alba Berlin taldeko manager Marco Baldirekin batera. Gasteizko Saski Baskonia klubaren presidentea da Kerejeta, 1988tik. Aurten, Laboral Kutxa-Baskonia lehen taldeak Euroligako Berlingo Lauko Finalean jokatu du.
Joxean Kerejeta, Saski Baskoniako lehendakaria, Euroligako urteko exekutibo izendatua./Baskonia
