Beasaingo eta Ordiziako udalen ekimenez, eta enplegu planaren haritik, 10 beasaindarrek eta 5 ordiziarrek, langabetuentzako sustatutako formakuntza ikastaroa hasiko dute astelehenean Goierri Eskolan.
Produkzioa metal eraikuntzetan eta entsegu ez suntsitzaileetan gaiaren inguruko espezializazio ikastaroak egingo dituzte, eskualdeko enpresen beharrei erantzuteko helburuarekin. Ikastaroaren amaieran, eskualdeko enpresetan 200 orduko praktikak egingo dituzte.
103.000 euroko kostua du; Beasaingo Udalak %60a ordainduko du eta Ordiziako %40.
