Olaberriko igerilekuan igandean bukatuko da lehenengo denboraldia
Askaria emango dute azken egunean, 18:00etan, agur modura
Igandean itxiko dute Olaberriko igerileku publiko berria. Uztailaren 1ean zabaldu zuten, Ihurre auzoan, eta lehenengo denboraldia bukatzear da. Agur modura, igandean 18:00etan askaria aterako dute.
Ihurreko auzunea eta kirol instalazioak iaz bereganatu zituen udalak, lehen Arcelor Mittal enpresarenak baitziren. Berrikuntza handiak egin ditu, eta uztailerako bainua hartzeko prest zen. “Estreinatu den uda honetan, udala gustura dago erabilerarekin. Asko izan dira bertara joan direnak, herritarrak eta kanpokoak. Uda sasoian, eguraldi ona lagun, jendeak aukera izan du igerilekua erabiltzeko, baita egokitu diren tenis kantxetan ibiltzeko ere”, azaldu du Olaberriko Udalak.
Olaberriko igerilekua, zabaldu zuten egunean./Aimar Maiz
