Reincidentes taldeak Urretxuko txosnetan joko du
Txosnetan ere makina bat ekitaldi antolatu dute Santa Anastasia jai hauetarako. Hasteko, gaur, 18:30ean, bertsopoteoa eta kalabazinaren igoera egingo dituzte. Bertsopoteoan Aitor Sarriegi, Mikel Iturriotz eta Aitor Salegi bertsolariek parte
Txosnetan ere makina bat ekitaldi antolatu dute Santa Anastasia jai hauetarako. Hasteko, gaur, 18:30ean, bertsopoteoa eta kalabazinaren igoera egingo dituzte. Bertsopoteoan Aitor Sarriegi, Mikel Iturriotz eta Aitor Salegi bertsolariek parte hartuko dute. 21:00etan txupinazoa eta kalabazinaren pregoia egingo dituzte. 23:00etan, berriz, kontzertuak egongo dira. Gureran, Odolaren mintzoa eta Tremenda jauria taldeek joko dute.
Biharko ekitaldiei dagokienez, 17:30ean haurrentzako antzerkia egongo da. 19:00etan elektrotxarangak kalejira egingo du eta ondoren bertako produktuekin afaltzeko aukera egongo da: purea, kuxkux beganoa eta hanburgesa. 22:30ean antzerkia eta malabarista baten saioa egongo dira eta gauerditik aurrera Gabezia, Reincidentes eta DJ Loro taldeek joko dute.
Igandean, 22:30etik aurrera, musika egongo da. Astelehenean, 20:00etatik aurrera, musika eta bakarrizketa saioak egongo dira. Bitartean, bertako sardinak, saiheskia eta barazki paella jateko aukera egongo da. Ondoren, festei amaiera emango diete kalabazinaren jaitsierarekin.R
