Aizkorrin Barrena mendi martxa, argazkitan

800 lagun pasatxok parte hartu dute aurtengoan.

Maialen Igartua

2016/09/26

Izadi Zaleak mendi elkarteak antolatuta, Aizkorrin Barrena mendi martxa egin zuten atzo Legazpin, bederatzigarren urtez. Bi ibilbide zituzten aukeran mendizaleek: hamasei kilometrokoa eta 30 kilometrokoa. Brinkola auzoan hasi eta amaitu ziren biak. Aizkorrin Barrena mendi martxa Legazpiren mugakide diren herrietako mendietan barrena egiten da, eta aurten Zegamako lurretan egin dute sartu irtena. Guztira 800 lagun pasatxok parte hartu zuten, aurreko urteetan baino gutxiagok, eguraldi txarragatik. Martxa hasi eta gutxira zaparrada bat bota zuen, baina gero ateri egin zuen. Hala ere, lainoak ez zien inguruko paisaiaz gozatzen utzi. Bukaeran, bazkaria egin zuten Armuño elkartean: makarroiak eta sagar erreak, borondatearen truke. Bestalde, brinkolar batzuek postuak jarri zituzten beren produktuak saltzeko: mermelada, sagar zukua, gazta, ogia, gozoak… Antolaketan Burdinola elkarteak, Brinkolako Armuño eta Arriurdin elkarteek eta brinkolar ugarik ere parte hartu zuten. Argazkiak: Tere Madinabeitia, Pili Mencias eta Armuño elkartea.

ELKARRIZKETAK

ERREPORTAJEAK

KIROLA

Azken bideoak

Argitalpen bereziak